Англија | Менаџерот на Арсенал, Арсен Венгер потврди дека легендата на клубот Тјери Анри започнал да работи како тренер во младинската школа на ’Топџиите’...
37 годишниот Французин во декември минатата година стави крај на фудбалската кариера и почна да работи како стручен коментатор за Sky Sports.
Тјери Анри во неколку наврати истакна дека посакува во иднина да биде тренер, па оваа недела се врати во Арсенал за да ја започне новата авантура.
Зборувајќи на денешната прес конференција, Арсен Венгер изјави дека е среќен што Анри се вратил во клубот, и додаде дека децата од младинската академија ќе имаат голема корист од работата со екс-напаѓачот.
„Тјери Анри ги прави првите чекори како тренер” – рече менаџерот на ’Топџиите’.
„Добро е за нашите млади играчи што имаат тренер како него, тој е легенда. Беше тука еднаш или два пати. Не знам колку тренинг сесси треба да одработува”.
„Не сум се сретнал со него сеуште. Работиме на различни терени, тој работи во младинската академија”.
„Сите наши поранешни фудбалери се добредојдени, ќе им помогнеме да ги добијат тренерските лиценци”.
„Сите сме среќен што Анри се врати”.
Извор: 24FUDBAL.com.mk
