Лига на Шампиони | Сулејман, човекот кој беше буткан и вреѓан од група навивачи на Челзи, за францускиот весник Le Parisien проговори за инцидентот кој му се случи...



Грозните сцени на метро станица во Париз во кои навивачи на Челзи на расна основа вреѓаа човек со црна боја на кожата земаа широк замав особено во Англија и Франција.
 
Guardian со видео ја објави сторијата која го запрепасти цивилизираниот свет, сега Le Parisien направи интервју со човекот кој беше жртва на навивачите на Челзи. 33-годишниот Сулејман од Париз, татко на три деца.
 
„Овие англиски фанови треба да бидат пронајдени и казнети. Не може да не бидат казнети" - вели Сулејман.
 
„Сакав да влезам во вагонот но група на англиски фанови ме блокираа и ме туркаа. Се обидов повторно, но не ми дадоа да влезам. Во мешаницата го загубив телефонот. Ми збореа на англиски но не го разбрав значењето на она што го велеа. Не разбирам ниту збор англиски".
 
„Сега сфаќам дека бев нападнат поради мојата боја на кожа. Знаете, јас живеам со расизам, не бев изненаден од она што му се случи, иако беше прв пат во метро".
 
Сулејман вели дека нема да им каже на неговите деца за тоа што му се случило.
 
„Што има да им кажам? Дека татко им бил избуткан од метро бидејќи е црнец?".

Извор: 24FUDBAL.com.mk