МЕНИ

Останато | Луис Фиго денеска ја престави својата програма, еден од предлозите на Португалецот е мундијал на кој ќе настапат 48 репрезентации...

Поранешниот играч на Барселона, Реал Мадрид и Интер е еден од четворицата кандидати на изборите за нов претседател на ФИФА.

Луис Фиго денеска на Вембли ја презентирашесвојата програма и најави дека ќе го прошири Светското Првенство доколку ја добие довербата во мај.

Една од опциите е мундијал на кој ќе настапат 48 репрезентации, групната фаза ќе се одржи на два континенти а нок-аут натпреварите ќе се играат во една земја.

Новите места на мундијалот ќе бидат доделени на репрезентации кои не доаѓаат од Европа.

42 годишниот Португалец исто така планира на фудбалските федерации да им подели 1 милијарда долари од резервите на ФИФА, и сака поголем процент од приходите на светската куќа на фудбалот да бидат распределени за развој на фудбалски академии.

Фиго ќе се залага за целосно имплементирање на технологијата на гол линијата, и најави реална и структурна дебата за дополнителна употреба на технологија во фудбалот.

Тој ќе побара поништување на ’тројната казна’ односно пенал, црвен картон и суспензија, а предлага и враќање на старото правило за офсајд според кое играчот е во офсајд без разлика дали е директно или индиректно инволиран во играта.