Шпанија | Ѕвездата на Барселона, Лео Меси вели дека оваа сезона си поставил предизвик што поскоро да се врати во старата препознатлива форма...



Повредите и истрагата за затајување данок придонесоа Аргентинецот минатата сезона да одигра под своите можности.
 
Без магијата на Лео Меси, ’Каталонците’ потфрлија на сите фронтови.
 
Барса беше елиминира од Атлетико Мадрид во четврт-финалето од Лигата на Шампионите, ја загуби и битката со ’Јорганџиите’ за титулата во Примера, а доживеа и пораз од Реал Мадрид во финалето на Купот на Шпанија.
 
Во интерју за Mundo Leo, Лео Меси признава дека минатата година имал многу проблеми.
 
Тој исто така додава дека си поставил предизвик што поскоро да се врати во старата препознатлива форма.
 
„Оваа година се обидов што поскоро да се вратам во топ форма” – вели напаѓачот.
 
„Знам дека минатата година потфрлив, се соочив со многу проблеми на теренот но и надвор од него”.
 
„Предизвик ми беше да ја променам сликата што ја оставив минатата сезона и да се вратам на старото ниво од претходните години”.
 
„Тоа беше мојата цел и ја започнав сезоната токму со тоа на ум”.

Извор: 24FUDBAL.com.mk