Шпанија | Медиумите од Шпанија пренесуваат дека најмалку три натпревари од завршницата на минатата сезона во Примера биле наместени, под истрага се неколку клубови а во центарот на вниманието е Осасуна...
Истрагата започнала откако било утрврдено дека Осасуна исплатила 2,5 милиони евра во кеш, пари кои клубот не може да ги оправда.
Под истрага е натпреварот помеѓу Еспањол и Осасуна во претпоследното коло, извештајот вели дека двата клуба се договориле да ги поделат бодовите, а имало и големи уплати на пари дека овој натпревар ќе заврши нерешено.
Во обид да обезбеди опстанок во Примера, Осасуна исто така побарала помош од Бетис, кој беше сигурен патник во Секунда.
Се говори дека двајца играчи на Бетис, Амаја и Фигерас се сретнале со лидерите на Осасуна.
На средбата било договорено Осасуна да им исплати 250 000 евра за Бетис да слави над Ваљадолид во претпоследното коло, а им биле ветени додатни пари доколку помогнат Бетис да загуби на гостувањето кај Осасуна во последното коло.
Бетис во драматичен натпревар славеше со 4-3 над Ваљадолид, а потоа загуби со 2-1 од Осасуна, но тоа не беше доволно клубот од Памплона да обезбеди опстанок во Примера.
Сите клубови кои се обвинети за местење на натпревари ги негираа ваквите тврдења, па остана да се види каков ќе биде резултатот на истрагата што ќе ја спороведат фудбалските власти во Шпанија.
Извор: 24FUDBAL.com.mk
