МЕНИ

Италија | Новиот сопственик Манети не ги исплатил на време долговите за даноци и плати па утринава на Парма започнаа да и го одземаат имотот...

Парма е во голема криза, поради тоа неодамна клубот беше продаден за едно евро, но и обрвска новиот сопственик да ги плати сите долгови.

Иако претседателот Манети изјави ека уплатил 16 милиони евра на име долгови за даноци и плати за фудбалерите, италијанските медиуми пишуваат дека тој тоа не го сторил, на банкарските сметки нема ништо.

На Парма и бил даден рок до вчера да уплатат дел од парите, но очигледно тоа не го сториле па од утринава е започнато одземање на клупскиот имот.

Според медиумите од Италија, во утринските часови на Парма и биле одземени три комбиња и еден службен автомобил.

„Има проблем со прокнужување на парите во банка, но работиме на тоа и верувам дека се ќе биде во ред" - изјави новиот претседател на Парма, Манети.

Играчите не знаат кога ќе им бидат исплатени платите, но се надеваат дека тоа ќе се случи во секој момент бидејќи доколку не и бидат исплатени до денес, на Парма ќе и бидат одземени пет бода.