Италија Жозе Мурињо има пофалби за Марко Матераци по синоќешниот дуел против Парма, вели дека дефанзивецот може да биде пример за помладите.

Матераци синоќа заработи повреда, но Интер немаше право на измени, па дефанзивецот со болка го одигра остатокот од натпреварот.

Португалскиот стратег има пофалби за Матераци и вели дека тој е пример за помладите фудбалери.

"Денеска Марко беше пример за сите млади фудбалери. Тој остана на теренот и покрај болките" - изјави Мурињо по синоќешниот натпревар.

Еден од тие млади фудбалери е и Марио Балотели, чие чудно однесување му создава многу проблеми на Мурињо.

"Нема потреба да се зборува за неговиот талент, бидејќи тој е неспорен, вистината е дека мојот последен проблем со Марио беше затоа што тој не помагаше во дефанзивата при изведување на корнер бидејќи ги изгубил контакт леките".

"Денеска Матераци со болка истрча спринт од педесет метри само за да ја прекине противничката акција. Овие мали детали значат многу во мојот начин на работa".

Мурињо е задоволен и од играта на тројцата напаѓачи, Ето, Милито и Пандев, кои не успеаа да постигнат гол.

"Задоволен сум од играта на моите централни напаѓачи, без офанзивен фудбалер во средниот ред, единствено можевме да одиграме со тројца напаѓачи".

"Направивме се што можеме во првиот дел за да дојдеме до водство, но Парма се бранеше одлично, а Миранте имаше три или четири квалитетни одбрани во првиот дел".

"Натпреварот беше поизрамнет во второто полувреме во кое имаше два гола, исклучување и повредата на Матераци".

"Но не сум лут на фудбалерите. Задоволен сум бидејќи момците одиграа сериозен натпревар. Одиграа онака како што се договоривме".

"Мислам дека Парма заслужи бод од овој натпревар поради начинот на кој одигра и агресивноста која ја покажа на теренот" - заврши Мурињо.

Powered by: 24 FUDBAL.com.mk