Англија Капитенот на Арсенал, Цеск Фабрегас негираше дека има вербален договор со Барселона но неговиот татко вели дека тие се отворени за преговори со Каталонците
Медиумите од Шпанија во вторникот објавија дека Барселона и Цеск Фабрегас имаат вербален договор играчот да се пресели на Камп Ноу по крајот на сезоната кога ќе стави потпис на петгодишен договор.
Каталонците веднаш ги отфрлија таквите шпекулации а сега и играчот го отфрли сето тоа и вели дека е целосно посветен на Топџиите.
“Тие го негираа тоа, и јас го негирам.” – рече Фабрегас за Sky Sports. “Јас сакам само да се фокусирам на Арсенал.”
“Мислам дека Фудбалскиот Клуб Арсенал е пред се, секој играч во историјата на клубот, фановите, клубот и јас самиот – мислам дека заслужуваме малку повеќе почит.”
Менаџерот на Арсенал, Арсен Венгер исто така ги отфрли шпекулациите кои велеа дека шпанскиот интернационалец ќе се врати на Камп Ноу.
“Ништо плус ништо е еднакво на ништо.”
Но таткото на Фабрегас верува дека неговиот син би разгледал понуда од гигантот на Шпанија но само по крајот на сезоната.
“Доколку нешто треба да се случи – ќе видиме што ќе биде по крајот на сезоната.” – рече Фабрегас Сениор за Radio Kanal.
“Но да се разговара за овие работи во сред сезона – разбирам дека Арсенал се гневни.”
“Доколку некој клуб е заинтересиран за играч, тогаш треба да се обрати кај другиот клуб и да започнат преговори. Вака функционираат трансферите секогаш.”
“Доколку нешто треба да се случи, треба да се случи само на овој начин. Барса треба да оди кај Арсенал на преговори.”
“Тоа важи за Цеск како и за сите останати играчи.”
Powered by: 24 FUDBAL.com.mk
