МЕНИ

Италија | Поранешниот фудбалер на Јувентус, Емерсон го советува Пол Погба да остане во Торино наместо да направи мега трансфер во Реал Мадрид...

Бразилецот во 2006 го напушти Јувентус и се пресели на Сантијаго Бернабеу, но не се снајде најдобро во Реал и по само една година се врати во Серија А, во редовите на Милан.

Во разговор со Tuttosport; Емерсон сега го советува Пол Погба да не ја направи неговата грашка.

Тој вели дека репрезентативецот на ’Триколорите’ треба да остане во Торино, каде има специјален статус и одлични играчи од кои може да научи многу.

Емерсон исто така додава дека Французинот во Мадрид ќе треба да започне од нула, и го предупредува дека фановите на Реал имаат високи барања.

„Погба не треба да ја направи грешката што јас ја направив” – вели Емерсон.

„Кога се селите во нов клуб, започнувате од нула. Погба има специјален статус во Јувентус и феноменален играч покрај него како Андреа Пирло, кој многу ќе му помогне. Доколку сум на негово место, добро ќе размислам пред да донесам одлука за напуштање на Јувентус и преселба во Мадрид”.

„Не тече мед и млеко во Реал. Фановите имаат високи барања. Секогаш очекуваат новиот играч да направи разлика, уште повеќе ако сумата платена за него е 100 милиони евра”.

„Кристијано Роналдо секогаш ќе ја има поддршката поради она што го има направено, но за новите играчи може да биде прилично тешко доколку не импресионираат веднаш”.

„Реал е еден од најдобрите клубови во светот, но Јувентус се враќа на старото ниво. ’Бјанконерите’ доминират во Италија одново и сега целат на успех во Европа”.