Шпанија | Според медиумите од Шпанија, Реал Мадрид и Барселона ќе водат битка за потписот на десниот бек на Порто, Данило...



23 годишниот репрезентативец на ’Кариоките’ е обврзан кон Порто до 2016, во овој момент одбива да ја продолжи верноста, па се поизвесно е дека тој ќе го напушти Драгао Стадионот.
 
Минатата недела медиумите од Шпанија пренесоа дека Бразилецот е трансфер цел на Барселона, ’Каталонците’ се во потрага на долгорчна замена за Дани Алвес и во Данило гледаат иделно решение за десната бековска позиција.
 
Според денешното издание на Marca, во трката за Данило се приклучива и Реал Мадрид, па двата лути ривали битката од терените ќе ја префрлат на трансфер пазарот.
 
Весникот пренесува дека ’Кралевите’ веќе испратиле скаут во Португалија кој треба да ја следи ситуацијата на играчот.
 
И покрај тоа што Данило е под договор до 2016, Порто нема лесно да се откаже од играчот, се верува дека цената на Бразилецот ќе биде помеѓу 20 и 30 милиони евра.

Извор: 24FUDBAL.com.mk