МЕНИ

Шпанија | Сами Кедира ја правда својата одлука да присуствува на роденденската забава на Кристијано Роналдо, вели дека ќе го навредел Португалецот доколку не се појавел...

CR7 во многу незгоден момент го прослави својот 30. роденден, само неколку часа по тешкиот пораз во градското дерби против Атлетико Мадрид.

Десетина негови соиграчи беа присутни на забавата, помеѓу кои Сами Кедира и Џејмс Родригез, кои се повредени.

Репрезентативецот на Германија се повреди токму на дуелот со Атлетико и ќе паузира три недели, а Џејмс Родригез во четврток го оперираше десното стапало и ќе биде надвор од стрјот два месеци.

Според каналот Cuatro против овие двајца играчи Реал ќе биде покрената дисциплинска постапка поради кршење на клупскиот кодекс, кој забранува повредени играчи да присуствуваат на вакви настани со цел да се избегне дополнително влошување на здравствената состојба,

Во разговор со Bild, Сами Кедира ја правда својата одлука да присуствува на забавата, и вели дека ќе го навредел Роналдо доколку не се појавел.

„Доколку Роналдо ме поканил ми направил чест, па тој заслужува да биде почестен со моето присуство” – вели Кедира.

„Исто така, тоа не беше забава туку вечера. Не пиев алкохол и постојано седев. Дома си заминав во 1:30”.