Англија | Менаџерот на Арсенал, Арсен Венгер стратува дека Арон Рамзи подолго време ќе биде надвор од стројот откако играчот ја обнови повредата на задната ложа...
Репрезентативецот на Велс на вчерашниот дуел со Лестер влезе во игра во второто полувреме но на теренот издржа само девет минути.
Првичните прогнози се дека Арон Рамзи ја обновил повредата на задната ложа и Арсен Венгер стравува дека играчот подолго време ќе биде надвор од стројот.
„Се чини дека ја обнови повредата на задната ложа” – рече по крајот на натпреварот менаџерот на Арсенал. „Не знам колку е лоша повредата. Од прв поглед се чини дека не е добро”.
„Кога некој ќе застани и веднаш ќе седне на тревата, знаете дека тоа се лоши вести”.
„Во неколку наврати заработува иста повреда и не можеме да пронајдеме која е причината за тоа. Не беше стартер бидејќи сакав да бидам малку претпазлив”.
„Се двоумев помеѓу него и Фламини, но бидејќи ни беше потребен офанзивен фудбалер, се одлучив за Рамзи. Сега е јасно дека погрешив”.
На средбата со Лестер ситна повреда заработи и Алексис Санчез.
„Санчез доби удар во коленото. Не знам колку време ќе паузира и дали вопшто ќе паузира”.
„Не сум разговарал со лекарскиот персонал”.
Извор: 24FUDBAL.com.mk
