Останато | Последнопласираниот во Премиерлигата минатата сезона, Кардиф од продажба на ТВ права заработил речиси двојно повеќе отколку шампионот на Шпанија, Атлетико Мадрид...



Клубовите од Примера веќе подолго време преговараат за нов начин за продажба на ТВ правата и поправилна распределба на приходите.
 
Во моментов клубовите индивидуално ги продаваат ТВ правата, Барселона и Реал Мадрид имаат најголема корист од ваквиот модел со приход од фантастична 140 милиони евра по сезона.
 
Но затоа пак другите клубови заработуваат многу помалку, Валенсија 48 милиони евра, Атлетико Мадрид 42 милиони евра а Севиља, Атлетик Билбао и Виљареал по 32 милиони евра.



Ваквите бројки изгледаат поразително ако во предвид се земе фактот дека последнопласираниот тим во Премиерлигата минатата сезона, Кардиф заработил 32,5 милиони евра повеќе од шампионот на Шпанија.
 
Кардиф заработил 30 милиони евра повеќе од ПСЖ и двојно повеќе од Баерн Минхен, но приходот од продажбата на ТВ правата во Франција и Германија е многу помал во споредба со останатите топ првенства.

Извор: 24FUDBAL.com.mk