Англија | Анхел Ди Марија вели дека Лео Меси нема да има никаков проблем со Жозе Мурињо доколку се пресели во Челзи, но верува дека неговиот сонародник нема да замине од Камп Ноу...
Минатиот месец често се говореше дека Лео Меси не е среќен во Барселона и размислува за промена на средината.
Челзи се споменуваше како можна следна дестинација на репрезентативецот на ’Гаучосите’.
Во интервју за FIFA, Анхел Ди Марија вели дека Лео и Жозе Мурињо лесно ќе соработуваат, но во исто време додава дека неговиот соработник нема желба да замине од Камп Ноу.
„Мислам дека Лео не сака да замине од Барселона” – вели Ди Марија.
„Тешко е да заминете од клубот кој ви дал се, клубот каде сте пораснале”.
„Но да ви одговорам на прашањето (дали Лео и Жозе можат да соработуваат), мислам дека Меси нема да има никаков проблем со Мурињо”.
Ди Марија, кој има играно долги години покрај Кристијано Роналди и Лео Меси, потоа беше запрашан за споредба помеѓу двата големи ривали.
„Секогаш го кажувам истото, тие се сосема различни играчи”.
„Лео е инволвиран во секоја акција, има експлозивни пробиви и ноншалантно дрибла еден, двајца или троца играчи со одлична контрола на топката на мал простор”,
„Кристијано е повеќе на сила, удари од далечина... тие се различни”.
„Доколку јас ја водев ФИФА, ќе имаше две ’Златни Топки’, една за Меси или Роналдо, и една за останатите”.
Извор: 24FUDBAL.com.mk
