Шпанија | Карло Анчелоти дефинитивно нема да може да смета на левиот бек Марсело откако денеска и последната жалба на ’Кралевите’ беше одбиена...



Бразилецот на дуелот со Севиља го заработи петтиот жолт картон во сезоната, но Реал Мадрид побара картонот да биде поништен бидејќи Марсело влезе во бележникот на судијата за прекршок што не го направи.
 
Фудбалската Федерација на Шпанија вчера ја одби жалбата, по што ’Кралевите’ поднесоа нова жалба до TAD.
 
Карло Анчелоти го вметна името на Марсело во листата на играчи повикани за дуелот со Атлетико Мадрид со надеж дека судот позитивно ќе одговори на барањето на ’Кралевите’.
 
Сепак, попладнево осумте членови на TAD само ја потврдија одлуката на ФФШ.
 
Па тренерот на Реал Мадрид сега ќе избира помеѓу Коентрао и Арбелоа за пополнување на левата бековска позиција.

Извор: 24FUDBAL.com.mk