Италија | Селекторот на италијанската репрезентација, Антонио Конте изјави дека нема намера да си замине од кормилото и покрај проблемите кои ги имаше со клубовите...



Антонио Конте дојде на селекторското место како наследник на Чезаре Прандели, со него Италија има пет победи и едно реми на шест натпревари. Но во медиумите се појавија шпекулации дека тој може да си замине откако беше приморан минатиот месец да откаже состанок со фудбалерите бидејќи клубовите не ги ослободија.
 
Сепак, Антонио Конте вели дека останува селектор на Италија негирајќи ги шпекулациите за негово заминување.
 
„Ќе останам до Европското првенство 2016" - изјави Конте за La Repubblica.
 
„Оставката никогаш не била опција. Мислам дека сум многу одговорна личност, особено во тешки времиња и ова едно од тие времиња".
 
„Очекувам подобра соработка со клубовите. За да ја намалиме разликата со останатите селекции, морам со фудбалерите да работам и како тренер, не само како селектор".

Извор: 24FUDBAL.com.mk