Англија Менаџерот на Арсенал, Арсен Венгер не е подготвен да се откаже од својата препознатлива трансфер политика, бидејќи клубот и нема големи средства за трансфери.

Арсенал се најде на мета на критичарите откако врза два порази во серија против ривалите Манчестер Јунајтед и Челзи, не само што беше поразен, противниците изгледаа доминантно во поглед на Топџиите.

Беше видливо дека искуството е она што му недостасува на Арсенал, но Венгер е упорен во својата политика да носи млади фудбалери кои допрва треба да се калат во академијата.

"Ние имаме политика и треба да бидеме силни, трпеливи и понекогаш добиваме удари но не треба да се промениме бидејќи ова е единствениот начин на кој клубот може да функционира" - вели Венгер.

"Знам дека сите се нетрпеливи. Мојата работа е да бидам трпелив и да работам и да ги оставам луѓето да мислат дали ги правам вистинските работи или работам погрешно и тоа е тоа. Дел од мојата работа е да живеам со тоа".

Венгер вели дека тие не може да се коцкаат со нови засилувања како што тоа можат да го прават ривалите.

"Ние не можеме како нив да изгубиме 150 милиони фунти. Не можеме да живееме така".

"Не знам во каков свет вие живеете? Фудбалот живее во вештачки свет во моментов".

"Знаете каква е ситуацијата. Ние треба да живееме во реален свет во Арсенал и горди сме на тоа".

"Доколку правите големи трансфери, мора да дадете и големи плати. Ние не можеме да си го дозволиме тоа".

Се очекуваше Арсенал да донесе напаѓач во зимскиот преоден рок, но тоа не се случи.

"Видете што се случуваше на трансфер пазарот. Кажете ми еден голем трансфер? Нема".

"Луѓето ме прашуваат Зошто не купи голем напаѓач? Но кажете ми дали кој премина од еден во друг клуб, никој" - заврши Венгер.

Powered by: 24 FUDBAL.com.mk