Англија | Арсен Венгер вели дека Алексис Санчез има огромна желба да настапи на градското дерби против ’Спарси’ и покрај тоа што има ситна повреда...



Поради повредата на задната ложа репрезентативецот на Чиле го пропушти дуелот со Астон Вила, а ’Топџиите’ вчера пренесоа дека Алексис Санчез нема да биде во комбинација ниту за утрешната пресметка со Тотенхем.
 
Сепак, зборувајќи на денешната прес конференција, Арсен Венгер истакна дека Алексис Санчез би можел да истрча на Вајт Харт Лејн бидејќи играчот има огромна желба да настапи на дербито на северен Лондон.
 
„Секако дека тој сака да игра, има огромна желба” – вели менаџерот на ’Топџиите’.
 
„Чуствува дека може да им пркоси на докторите. Има огромна желба да настапи и мисли дека може да ја надмине повредата”.
 
„Во моментов не знам што ќе се случи, потребен ми е совет од докторите и потребно е да видам како ќе се однесува на тренингот”.

Извор: 24FUDBAL.com.mk