Шпанија | Нови лоши вести за Реал Мадрид, повредата на Серхио Рамос е посериозна од првичните прогнози, дефанзивецот ќе паузира од пет до шест недели...

Репрезентативецот на ’Црвената Фурија’ се повреди на дуелот со Севиља во средата и по првичните прегледи се прогнозираше дека тој ќе паузира околу три недели.
 
Врз Серхио Рамос утрово беа направени нови детални тестови кои донесоа лоши вести за Реал Мадрид.
 
Медиумите од Шпанија пренесуваат дека дефанзивецот има исекотина во задната ложа на левата нога и ќе паузира помеѓу пет и шест недели.
 
Со ваква прогноза, Серхио Рамос најверојатно ќе пропушти шест натпревари во Примера, како и двомечот со Шалке во осмина-финалето од Лигата на Шампионите.
 
Би требало да се опорави на време за ’Ел Класико’ и дуелот со Барселона на Камп Ноу на 21. или 22. март.

Извор: 24FUDBAL.com.mk