Англија Екипата на Портсмут доби рок од седум дена да ги подмири долговоите или ризикува клубот да замине во стечај.

Клубот од Премиер Лигата денеска го презентираше својот случај пред Врховниот Суд со цел да го одолжат плаќањето на долговите и да не заминат во стечај.

На процесот се утврди дека клубот должи околу 11,5 милиони фунти во даноци и дека Помпеите се неликвидни.

Но претставниците на Портсмут објаснија дека тие имаат ’две сериозни понуди за купување на клубот’ и затоа побараа додатно време.

Врховниот суд дозволи Портсмут за една недела да ги среди финансиските проблеми и на 17 февруари да излезе со соопштение на финансиската состојба.

Доколку Помпеите не успеат да го платат данокот до следната недела и не успеаат да обезбедат ново одложување на наплатата, клубот ќе замине во стечај и ќе им бидат одземени 10 бода.

Минатиот четврток клубот доби нов сопственик, четврт оваа година, но бизнисменот од Хонг Конг, Балрам Чаинраи најави дека нема намера да управува со клубот и дека ќе се ослободи од него штом најде соодветен купувач.

Powered by: 24 FUDBAL.com.mk