МЕНИ

Франција | Дефанзивецот на Марсеј, Род Фани вели дека во неколку наврати имал желба физички да се пресмета со Златан Ибрахимовиќ...

Швеѓанецот во последно врече често е во центарот на медиумското внимание поради контроверзното однесување кон противничките играчи и новинарите.

Зборјувајќи за однесувањето на Златан Ибрахимовиќ, фудбалерот на Марсеј, Род Фани вели дека напаѓачот често знае да биде досаден на теренот, но додава дека тоа е само глума што ѕвездата на ПСЖ многу добро ја извршува.

„Тој игра улога со своето арогантно однесување, и верувајте ми навистина добро му оди” – вели Фани. „Треба да му се даде Оскар за глумата”.

„Знае да биде прилично досаден на теренот, но тоа е само улога што ја игра”.

„Познавам неколку фудбалери од ПСЖ и тие ми кажуваат дека тој е сосема различен човек”.

Искусниот дефанзивец потоа на големо изненадување призна дека во неколку наврати имал желба физички да се пресмета со Златан Ибрахимовиќ.

„Да, во неколку наврати малку ми фалеше да го удрам”.

„На теренот си имаме кажано работи на Англиски кои не можам јавно да ги споделам...”