Шпанија | Големи проблеми за Реал Мадрид во пресрет на градското дерби со Атлетико, Карло Анчелоти остана без Џејмс Родригез и Серхио Рамос...



Двајцата играчи заработија повреди на вчерашниот дуел со Севиља и беа повлечени од игра уште во првото полувреме.
 
Потешко помина Џејмс Родригез, репрезентативецот на Колумбија заработи фрактура на десното стапало, денес треба да замине на операција, а според медиумите од Шпанија ќе паузира најмалку два месеци.
 
Серхио Рамос пак ја повреди задната ложа на левата нога и би требало да биде надвор од стројот околу три недели.
 
За дуелот против Атлетико Мадрид, Карло Анчелоти најверојатно нема да може да смета ниту на Марсело, кој вчера го заработи петтиот жолт картон во сезоната.
 
Реал Мадрид денес ќе го обжали картонот со оглед на тоа дека левиот бек влезе во бележникот на судијата за прекршок што не го направи.

Извор: 24FUDBAL.com.mk