Англија | Медиумите од Италија пренесуваат дека Самуел Ето утрово пристигнал во тренинг комплексот на Сампдорија и одново тренира со преостанатиот дел од тимот...
Камерунецот вчера беше во центарот на медиумското внимание откако не ја послуша наредбата на тренерот Синиша Михајловиќ и наместо да одработи двоен тренинг, замина за Милано каде живее неговото семејство.
Синиша Михајловиќ потоа истакна дека е разочаран од ваквото однесување на Самуел Ето, а медиумите почнаа да шпекулираат дека авантурата на играчот во Сампдорија ќе заврши по само една недела.
Сепак, Самуел Ето утрово се појави во тренинг комплексот на Сампдорија и одново тренираше со преостанатиот дел од тимот.
Медиумите од Италија пренесуваат дека во Бољаско пристигнал и претседателот на клубот, Масимо Фереро кој треба да помогне за надминиување на конфликтот помеѓу Михајловиќ и Ето.
Извор: 24FUDBAL.com.mk
