МЕНИ

Шпанија | Агентот на Кристијано Роналдо вели дека CR7 останува на Сантијаго Бернабеу и додава дека Португалецот вреди 1 милијарда евра...

Ѕвездата на ’Кралевите’ често се поврзува со враќање на Олд Трафорд, но неговиот агент ја отфрла ваквата можност и покрај тоа што признава дека Кристијано Роналдо има посебна поврзаност со навивачите на Манчестер Јунајтед.

Во разговор со BBC Sport, Жорж Мендеш вели дека неговиот клиент е најдобриот фудбалер во светот и затоа вреди фантастични 1 милијарда евра.

„Роналдо е најдобриот фудбалер на сите времиња” – вели Мендеш. „Тој е најдобриот спортист. Не можете да го споредите со никого”.

„Неговата откупна клаузула изнесува 1 милијарда евра, па да тој вреди толку. Невозможно е да купите играч како него”.

„Доколку поради некоја причина Реал утре реши да го продаде Роналдо за 300 милиони, сигурно дека ќе има клуб што ќе биде спремен да ја плати оваа сума”.

„Дали еден ден ќе се врати на Олд Трафорд? Ги обожава фановите на Манчестер Јунајтед, ми го има кажано тоа, настапуваше шест сезони таму”.

„Сега е во Реал Мадрид, и нема да замине од Сантијаго Бернабеу. Планот е да се пензионира во Реал”.