Италија | Јувентус го потврди ангажманот на Алесандро Матри, напаѓачот пристигнува во Торино на позајмица до крајот на сезоната...
’Старата Дама’ започна потрага по нов офанзивен фудбалер откако стана јасно дека Себастијан Џовинко овој месец ќе замине од Торино за да ја продолжи кариерата во МЛС шампионатот.
На листата со желби беа имињата на Пабло Освалдо, Симоне Заза и Алесандро Матри, а конечната одлука падна на 30 годишниот напаѓач на Џенова.
„Алесандро Матри се врати во Јувентус” – гласеше известувањето на ’Бјанконерите’. „Играчот се сели во Торино на позајмица до 30. јуни 2015”.
Алесандро Матри претходно го носеше дресот на Јувентус две ипол години, од јануари 2011 до јуни 2013, освои две Скудета и исто толку трофеи од Суперкупот на Италија.
Извор: 24FUDBAL.com.mk
