Англија | Јаја Туре одново под знак прашалник ја стави сопствената иднина во Манчестер Сити, вели дека не знае дали следната сезона ќе настапува на Етихад Стадионот...



Фудбалерот од средниот ред, кој во овој момент е на подготовки со репрезентацијата на БСК за Купот на Африкански Нации, одбива да ја потврди својата верност кон ’Граѓаните’.
 
Во интервју за CNN, Јаја Туре сугерираше дека по крајот на сезоната би можел да замине од Етихад Стадионот.
 
Запрашан дали сака да остане во Манчестер Сити, играчот рече: „Тоа е големо прашање и во исто време лесно прашње. Одговорот е лесен... ќе видиме”.
 
„Дали ќе бидам дел од Сити следната сезона? Не знам. Во моментов сум во Манчестер Сити”.
 
Ова не е прв пат Јаја Туре под знак прашалник да ја стави сопствената иднина во Манчестер Сити.
 
Слична беше ситуацијата изминатото лето кога се појавија бизарни коментари на неговиот агент за тоа дека ’Граѓаните’ соодветно не му го честитале роденденот на Јаја Туре.

Извор: 24FUDBAL.com.mk