Англија | Легендата на Арсенал, Тиери Анри вели дека бил изненаден кога видел како фановите на клубот го навредуваат Арсен Венгер и бараат од него да го напушти тимот...
Во декември Арсенал со 3-2 загуби на гостувањето кај Стоук, по првото полувреме резултатот беше 3-0 за домаќинот.
Шокантниот резултат на полувремето ја прели чашата кај фановите на Арсенал кои во тие моменти не штедеа зборови за да го навредат Арсен Венгер и да побараат да си замине од клубот.
„Најпрво помислив дека се шегуваат. Разбирам дека се вознемирени од резултатот, но тотално непотребно беше тоа што се случи на натпреварот против Стоук" - вели Анри.
„Фановите имаат глас, но тоа што го направија не беше во ред".
Анри не штедеше пофални зборови за Алексис Санчез кој е убедливо најдобриот фудбалер на Арсенал во досегашниот дел од сезоната.
„Се обидувам да се сетам дали сме имале подобро засилување од него во последните пет-шест години. Санчез беше фантастичен на последниот натпревар, не му требаат многу шанси за да постигне гол, а тоа е многу важно" - вели Анри.
„Секогаш ќе постигнува голови, но тој е комплетен играч од кој сум импресиониран. Нема цена. Како и секој фан на Арсенал, чекав да добиеме фудбалер како него. Конечно го имаме".
Извор: 24FUDBAL.com.mk
