Италија | Агентот на Пол Погба под знак прашалник ја става долгорочната иднина на неговиот клиент во дресот на ’Бјанконерите’, вели дека Французинот ќе замине од Торино кога ќе дојде правиот момент...
21 годишниот репрезентативец на ’Триколорите’ важи за еден од најталентираните млади играчи во Европа и подолго време се шпекулира дека неколку клубови се подготвени да одвојат мало богатство за услугите на фудбалерот од средниот ред.
Јувентус не сака да слушне за продажба на Пол Погба, и во октомври го обнови договорот на играчот.
И покрај тоа што Французинот се обврза кон ’Старата Дама’ до 2019, неговиот агент не очекува Пол Погба да игра долги години во Серија А.
Во интервју за Mediaset, Мино Раиола вели: „Знаев со каков талент располага, но кога некој толку млад ќе се пресели во Италија не очекувате тој веднаш да прерасне во топ играч”.
„Бележи огромен прогрес, дури и јас не го очекував тоа”.
„Дали ќе остане во Италија? Не. Јувентус ќе треба да одлучи, го продолживме договорот на Погба, тој е среќен во Торино, но кога ќе дојде правиот момент за заминување, ќе ја искористиме шансата”.
„Ќе видиме што ќе се случи во иднина, не знам кога ќе пристигне правиот момент...”
Извор: 24FUDBAL.com.mk
