Италија Според медиумите од Италија екипата на Милан постигнала договор со Fly Emirates за богат спонзорски договор вреден 56 милиони евра за четири години

Неколку весници од Италија објавија дека екипата на Милан е пред потпишување на договор со Fly Emirates за авиокоманијата од Дубаи да биде нов спонзор на клубот.

Логот на Fly Emirates ќе го замени она на Bwin и договорот ќе биде со трајност од 2010 до 2014.

Се очекува многу наскоро Росоњерите да го соопштат четиригодишниот договор бидејќи е постигната согласност помеѓу двете страни.

Прес-конференцијата на која требало да се објаснат деталите најпрво била закажана за кон крајот на јануар но поради тоа што Шеикот Ахмед бин Саед Ал Мактум, извршниот директор на Fly Emirates, не бил во можност да пристигне во Милано е откажана.

Сегашниот договор на Bwin истекува на 30 јуни 2010 и гигантот во он-лајн обложувањето одвојуваше околу 10 милиони евра плус бонуси, годишно.

Извештаите говорат дека договорот со Fly Emirates на Милан ќе му носи годишен прилив од 14-15 милиони евра или 56-60 милиони во текот на четирите години.

Плус во зависност од успехот на клубот, посебно во Лигата на Шампионите, Росоњерите можат да добијат уште некој додатен милион.

Се најавува дека парите од новиот договор ќе бидат инвестирани во нови играчи а прв на мета ќе биде Един Џеко од Волфзбург.

Покрај спонзорскиот договор не се исклучува можноста Арапите да се обидат да влезат и во сопственичката структура на Милан.

Powered by: 24 FUDBAL.com.mk