Англија | Менаџерот на Арсенал, Арсен Венгер вели дека обидот на Интер да стигне до услугите на Лукас Подолски не е сериозен...



Медиумите од Италија вчера пренесоа дека ’Нероаѕурите’ се многу блиску до ангажман на Лукас Подолски на позајмица до крајот на сезоната со опција за перманентен трансфер во летниот преоден рок.
 
Но според Арсен Венгер, репрезентативецот на Германија сеуште е фудбалер на Арсенал.
 
Менаџерот на ’Топџиите’ вели дека понудата на Интер е шега, и изрази надеж дека играчот ќе остане на Емирати Стадионот.
 
„Понудата е шега” – рече Французинот на денешната прес конференција. „Интер не е сериозен”.
 
„Во моментов има само преговори, ништо сериозно”.
 
„Подолски е фудбалер на Арсенал и сакам тој да остане. Кога сте професионалец, се додека сте дел од некој клуб го давате максимумот за да ја оправдата платата која ја зимате и да покажете дека го сакате клубот”.
 
„Се надевам дека тој ќе биде наш фудбалер и по крајот на јануари”.
 
Лукас Подолски има ограничена минутажа оваа сезона, па Германецот во неколку наврати изрази незадоволство и најави дека посакува да замине.

Извор: 24FUDBAL.com.mk