Шпанија | Судот за Спортска Арбитража утрово ја потврди казната што ФИФА и ја изрече на Барселона, ’Каталонците’ нема да можат да купуваат играчи во следните два преодни рока...



Во април оваа година, светската куќа на фудбалот ја обвини Барса дека ги прекршила правилата за трансфер и регистрација на играчи под 18 години од странство.
 
За ваквите неправилности, ФИФА ја казни Барса со трансфер ембарго во два последователни преодни рока, како и со парична глоба од 450 000 швајцарски франци.
 
Казната привремено беше суспендирана откако ’Каталонците’ најавија жалба до Судот за Спортска Арбитража (CAS).
 
Откако ги рагледа преставените аргументи, судот во Лозана денска одлучи да ја одбие жалбата и да ја потврди санкцијата што ФИФА и ја наметна на Барселона.
 
Па ’Каталонците’ сега нема да можат да купуваат играчи во 2015.
 
Клубот од Камп Ноу ќе може да ја продолжи соработката со фудбалерите на кои им истекуваат договорите, како што е случајот со Дани Алвес, и да ги вратат играчите кои се на позајмица, како што се Денис Суарез и Жерард Деулофеу.
 
Барса изрази ’целосно несогласување’ со ваквата одлука на Судот за Спортска Арбитража и најави дака ќе ги разгледа сите опции откако во писмена форма ќе ја добие пресудата.
 
’Каталонците’ не ја искучуваат можноста да ја обжалат оваа пресуда пред Федералниот Суд на Швајцарија.

Извор: 24FUDBAL.com.mk