Италија | Медиумите од Италија пренесуваат дека трансферот на Горан Пандев во Џенова станува комплициран бидејќи Македонецот нема статус на фудбалер од ЕУ...



Како што пренесува La Repubblica, Џенова вчера го договорила трансферот на напаѓачот и преостанувало само Горан Пандев да стави потпис на договорот.
 
Но зделката пропаднала во последен момент поради бирократски причини.
 
Македонецот нама статус на фудбалер од ЕУ, а Џенова во овој момент нема слободно место во својот тим за играчи кои не се водат како државјани на ЕУ.
 
Доколку Џенова посакува да го ангажира Горан Пандев, најпрво ќе треба да се ослободи од некој играч, медиумите шпекулираат со името на Еденилсон, Бразилецот е во сопственоста на Удинезе и настапува како позајмен фудбалер на Луиџи Ферарис.
 
Но најверојатно Џенова ќе се обиде да ангажира друг фудбалер, Факундо Фереира од Шахтјор се посочува како нова трансфер желба.

Извор: 24FUDBAL.com.mk