Англија
Патрис Евра верува дека Сер Алекс Фергусон ќе остане на жешкото столче во Манчестер Јунајтед до ’последен здив’

Легендарниот тренер на Јунајтед веќе е 23 години во клубот и не покажува знаци дека е подготвен за пензинирање во блиска иднина.

Во минатото тој соопшто дека е подготвен да се повлече од кормилото на клубот во сезоната 2001/02 но потоа направи драматично предомислување и реши да продолжи со стресната задача да предводи тим во Премиер Лигата.

Фергусон можеби се ближи до 70тиот роденден, но тој воопшто го нема загубено ентузијасмот за играта и останува страсен и одличен за успех исто како и секогаш.

Францускиот интернационалец, Патрис Евра објаснува дека искусниот Шкот играл како ’мало дете’ во соблекувалната по елиминацијата на Манчестер Сити во Карлинг Куп полу-финалето, докажувајќи дека победите на Фергусон му значат исто како и секогаш.

Евра исто така верува дека Фергусоно никогаш нема да може да замине од Црвените Ѓаволи.

“Сер Алекс е дете. Го видовме тоа против Манчестер Сити. Тој е премногу емотивен.”

“Тој скокаше на сите страни како дете по натпреварот со Сити. Може да ви се прости доколку мислите дека тој никогаш претходно не победил на натпревар!”

“На 70 години, тој не се гледа себеси како седи дома, чита книга или гледа ТВ. Лично мислам дека тоа би му било досадно.”

“Мислам дека тој воопшто нема да стави крај на својата кариера. Се додека е силен ќе продолжи да биде тренер.”

“Тој ќе остане до својот последен здив.”

Powered by: 24 FUDBAL.com.mk