Шпанија | Шампионот на Шпанија, Атлетико Мадрид потврди дека Фернандо Торес се враќа на Висенте Калдерон на позајмица до 2016...
Медиумите уште минатата недела пренесоа дека ’Ел Нињо’ одново ќе го облече дресот на ’Јорганџиите’ откако Атлетико Мадрид, Челзи и Милан пронашле заеднички јазик за целата зделка.
Утрово, шампионот на Шпанија и официјално го потврди трансферот, кој ќе се реализира на 5. јануари откако ќе се отвори трансфер пазарот во Италија.
„Постигнат е договор со Милан, Фернандо Торес се враќа во Атлетико Мадрид – гласеше известувањето на клубот од Висенте Калдерон.
„Напаѓачот ќе настапува како позајмен играч до крајот на оваа сезона како и следната сезона”.
„Зделката ќе биде официјализирана на 5. јануари, денот кога ќе се отвори зимскиот преоден рок во Италија”.
На својот Твитер играчот напиша: „Конечно се вратив дома. Им благодарам на сите што придонесоа да ми се оствари овој сон. Форца Атлетико”.
Фернандо Торес со само 17 години дебитираше за Атлетико Мадрид во 2001, и го носеше дресот на ’Јорганџиите’ во следните шест сезони.
Одигра 244 натпревари на кои постигна 91 погодок, а ја носеше и капитенската лента.
Извор: 24FUDBAL.com.mk
