Франција | Поранешниот играч на Интер, Адриано му се враќа на фудбалот, Бразилецот се договори со францускиот второлигаш Ле Авр...



32 годишниот напаѓач, кој во октомври го посети Ле Авр, преку Твитер вчера објави дека постигнал договор со вторилигашот од Франција.
 
„Среќен Божиќ на моите нови навивачи од Ле Авр. Многу сум среќен што со вас го започнувам мојот нов спортски предизвик!!!” – напиша Адриано на Твитер.
 
Утрово ваквите вести ги потврди и Ле Авр.
 
„Постигнат е договор со бразилскиот напаѓач Адриано” – гласеше краткото известување.
 
Но за да се реализира зделката потребно е да бидат исполнети два услови.
 
Новиот сопственик Кристоф Маијол треба да ги уплати ветените фонови на сметката на клубот и зелено светло да даде DNGC.
 
Популарниот ’Император’ во Европа пристигнува како слободен играч, во април оваа година Атлетико Паранаенсе реши да го раскине договорот на Адриано, откако тој не се појави на неколку тренинзи и беше фотографиран како се забавува во ноќни клубови.

Извор: 24FUDBAL.com.mk