Шпанија | Според пишувањата на медиумите од Шпанија, Фернандо Торес е на чекор до враќање во Атлетико Мадрид...



Напаѓачот пред почетокот на оваа сезона пристигна во Милан на позајмица, но не успеа да се снајде на Сан Сиро.
 
Лидерите на Милан не се задоволни од игрите што ги прикажува Фернандо Торес па сакаат да се ослободат од напаѓачот.
 
Овој месец често се говореше дека популарниот ’Ел Нињо’ би можел да се врати во Атлетико Мадрид, а последните информации велат дека играчот сега е на чекор до преселба на Висенте Калдерон.
 
Шпанскиот весник AS утрово пренесе дека генералниот извршен директор на шампионот на Шпанија, Мигел Анхел Гил Марин вчера постигнал договор со Челзи и Милан за трансфер на Нандо во Мадрид,
 
Извештајот вели дека Фернандо Торес ќе биде на позајмица во Атлетико до 2016, а како дел од зделката, ’Јорганџиите’ ќе го испратат Алесио Черчи во Милан.
 
Се очекува во скоро време да пристигне и официјална потврда.

Извор: 24FUDBAL.com.mk