Англија | ’Спарси’ потврдија дека дефанзивецот на Сиетл Саундерс, ДеАндре Једелин ќе пристигне на Вајт Харт Лејн во зимскиот преоден рок...



21 годишниот репрезентативец на САД е првото засилување за Тотенхем во јануари.
 
’Спарси’ и Сиетл Саундерс уште во август го договорија трансферот, а откако беа обезбедени потребните документи и работката виза, тимот од Вајт Харт Лејн денеска потврди дека ДеАндре Једлин пристигнува во Лондон на почетокот од следната година.
 
„Задоволни сме што можеме да потврдиме дека ДеАндре Једлин ќе се пресели на Вајт Харт Лејн во јануари” – гласеше известувањето.
 
За новото засилување, менаџерот Маурисио Покетино рече: „ДеАндре е млад играч со огромен потенцијал и веќе забележа голем успех во МЛС”.
 
„За неговиот развој многу е важно да му се даде соодветно време да се адаптира на новата околина. Со пристигнувањето во јануари, верувам дека ќе го добие токму тоа”.

Извор: 24FUDBAL.com.mk