Италија | Претседателот на Рома, Џејмс Палота уште еднаш ја отфрла можноста Кевин Стротман да биде продаден на Манчестер Јунајтед...
Репрезентативецот на Холандија подолго време се поврзува со преселба на Олд Трафорд, и покрај тоа што лидерите на ’Римската Волчица’ постојано нагласуваат дека играчот не е на продажба.
Вчера се појавија гласини кои велеа дека ’Црвените Ѓаволи’ доставиле понуда вредна околу 38 милиони евра, а ФИФА агентот Матео Матераци за медиумите од ’Островото’ истакна дека Манчестер Јунајтед е на чекор до потписот на играчот.
Сепак, од таборот на Рома одново демантираат дека Кевин Стротман ќе биде продаден.
Претседателот на ’Џалоросите’, Џејмс Палота за Roma Radio попладнево изјави: „Стротман нема да се пресели во Манчестер Јунајтед”.
„Ќе бевме први на табелата доколку не беа повредите на Стротман и Кастан”.
Извор: 24FUDBAL.com.mk
