МЕНИ

Англија | Поранешниот менаџер на Манчестер Јунајтед, Сер Алекс Фергусон упати многу пофални зборови на адреса на Жозе Мурињо, вели дека Португалецот треба да биде пример за секој што сака да успее...

Шкотот никогаш не криел дека има голема почит кон ’Специјалниот’ и во интервју за BT Sport уште еднаш покажа колку го цени предводникот на Челзи.

„Навистина не е фер” – вели Сер Алекс Фергусон. „Изгледа добро, наликува на Џорџ Клуни со белите влакна”.

„Мислам дека е одличен пример, говори барем пет јазици”.

„Започна како преведувач на Боби Робсон, го следеше во Барселона, работеше под водство на Луј ван Гал, постојано учи”.

„Решителен е, сака да биде тренер. Никогаш не играл фудбал, ниту еден ден не бил фудбалер”.

„Кажете ми колку претседатели ќе ангажираат менаџер кој никогаш не играл? Сигурно ниту еден, но Жозе успеа”.

„Започна како тренер на мал клуб во Португалија, потоа се пресели во Порто со кого го освои првенството, УЕФА Купот и Лигата на Шампионите. Потоа се пресели во Челзи каде во два наврати триумфираше во Премиерлигата. Потоа седна на кормилото на Интер”.

„Тој е пример за секој што сака да успее. Не треба да дозволите бариерите да ве спречат да станете она што сакате”.

Жозе Мурињо важи за еден од најдобрите тренери на денешницата, има титули со Порто и Интер во Лигата на Шампионите, како и уште 14 други трофеи, помеѓу кои и успех во првенствата на Португалија, Англија, Италија и Шпанија. Погледнете го видеото тука.