Останато | Златан Ибрахимовиќ уште еднаш го покажа своето огромно его, напаѓачот на ПСЖ е разочаран што завршил на второто место во изборот на најдобар спортист во историјата на Шведска...



Шведскиот весник Dagens Nyheter направи анкета за тоа кои се најдобрите 150 спортисти во историјата на Шведска, а на врвот се најде тенисерот Бјорн Борг, кој е петкратен освојувач на Вимболдон.
 
Златан Ибрахимовиќ беше втор, па напаѓачот на ПСЖ изрази незадоволство од ваквиот исход.
 
’Ибракадабра’ не само што смета дека треба да биде на првото место, туку верува дека другите атлети се далеку зад него.
 
„Ви благодарам, но да завршам втор е исто како да бидам последен” – вели ѕвездата на ПСЖ.
 
„Доколку јас ја правев листата, ќе бев на првото, второто, третото, четвртото и петтото место, со почит кон другите”.
 
Бјорн Борг на почетокот од овој месец упати пофални зборови на адреса на Златан Ибрахимовиќ и го опиша фудбалерот како најголемата ѕвезда на Шведка, поголема дури и од ИКЕА.
 
Запрашан какво е неговото мислење за Борг и кариерата на тенисоерот, Ибра вели: „Тој е одлична личност и жива легенда”.

Извор: 24FUDBAL.com.mk