Германија | Криштоф Крамер стави потпис на нов договор со Баер Леверкузен, фудбалерот од средниот ред се обврза кон ’Фармацевтите’ до 2019...



Репрезентативецот на Германија, кој е на позајмица во Борусија Менхенгладбах до крајот на сезоната, со добрите игри го привлече вниманието на неколку клубови.
 
Реал Мадрид и Манчестер Јунајтед пројавија интерес за услугите на 23 годишниот Криштоф Крамер, но играчот реши да остане во Бундеслигата.
 
Откако минатата недела на медиумите од Германија им откри дека по крајот на сезоната ќе се врати на БајАрена, клубот со кого е под договор, денеска пристигна и официјална потврда откако Баер Леверкузен соопшти дека Криштоф Крамер ја продолжил соработката до 2019.
 
„Дебатата за иднината на Криштоф Крамер може да заврши” – гласеше известувањето на ’Фармацевтите’. „Играчот го продолжи договорот за уште две години и се обврза до 30. јуни 2019”.
 
За новиот договор Крамер рече: „По разговорите со лидерите на Леверкузен лесно решив да ја продолжам соработката”.
 
„Го познавам Баер уште од мали нозе, и секогаш сонував да го носам дресот на првиот тим”.
 
„Па среќен сум што ќе го сторам тоа”.

Извор: 24FUDBAL.com.mk