Англија

Новото засилување на Манчестер Сити, Адам Џонсон се надева дека ќе успее да се избори за влез во англиската репрезентација која ќе патува на Светското Првенство.

22-годишниот Адам во понеделникот го комплетираше трансферот од Мидлзброу во Манчестер Сити.

Следната амбиција на Џонсон е влез во составот на Капело кој ќе биде дел од Светското првенство во Јужна Африка.

"Доколку изборам место во тимот на Сити, сигурен сум дека селекторот ќе ги следи натпреварите и ќе можам да се наметнам" - изјави Џонсон.

"Уште кога за прв пат слушнав за интересот на Сити, сакав овој трансфер да се реализира".

"Амбиција е клучниот збор за мене. Ова е амбициозен клуб и имам добра можност да освојувам трофеи тука и да станам подобар играч".

"Ги знам Мика Ричардс и Недум Онуоха од младата репрезентација, сум поминал цело лето со нив и ми станаа добри пријатели, се надевам дека ќе ми помогнат да се прилагодам".

"Животот е премногу краток за да одбијам ваква можност" - заврши Адам Џонсон.

Powered by: 24 FUDBAL.com.mk