Шпанија

Алдонс Годал, потпретседателот на Барселона е убеден дека порано или подоцна Цеск Фабрегас ќе се врати на Камп Ноу

Фабрегас е продукт на младинската школа на Барселона но на 16 годишна возраст реши да ја прифати понудата на Арсенал и во 2003 се пресели во редовите на Топџиите.

Под водство на Арсен Венгер, тој се разви во еден од најдобрите играчи од средниот ред во светот и тој постојано ја нагласуваше својата благодарност и верност кон Арсенал.

Но и покрај тоа шпекулациите за негово враќње во Шпанија постојано се дел од медиумите без разлика што Арсенал ќе се бори силно за да задржи толку важен фудбалер.

Се верува дека Реал Мадрид е заинтересиран за ангажман на Фабрегас но екипата на Барселона важи за главен фаворит за ангажманот на Фабрегас.

Вчера во медиумите од Шпанија се појавија натписи во кои велеа дека Цеск Фабрегас на свои пријатели веќе им соопштил дека по крајот на сезоната заминува од Арсенал за да се пресели во Барселона.

Потпретседателот на Клубот, Алфонс Годал, кој исто така е еден од кандидатите за наследник на Лапорта на претседателското место е убеден дека порано или подоцна Цеск ќе заврши на Камп Ноу.

“Порано или покасно Цеск ќе заврши на Камп Ноу.” – Годал рече за The Sun.

“Ние сме клуб кој може да купува играчи бидејќи ние сме почитувани и имаме пари да го сториме тоа.”

Сегашниот претседател на Барселона, Лапорта се обиде да го ангажира Цеск Фабрегас минатиот летен трансфер период но Арсен Венгер не даде светло за реализација на зделката.

Се очекува ангажман на Цеск Фабрегас да биде и на агендата на Сандро Росел, еден од главните кандидати за претседателската фотеља на Камп Ноу.

Шпекулациите говорат дека Каталонците се подготвени да одвојат околу 40 милиони евра за да стигнат до услугите на Фабрегас но проценката на Арсенал за вредноста на играчот е за околу 10 милиони евра поголема.

Powered by: 24 FUDBAL.com.mk