Италија

Потпретседателот на Милан, Адриано Галиани не сакаше да ги коментира натписите на медиумите од Италија кои велат дека Роналдињо се забавувал три дена во пресрет на дуелот со Интер

Утрово Corriere della Sera објави дека Роналдињо пред две недели, во пресрет на дербито со Интер се забавувал лудо дури три дена.

Весникот вели дека Бразилецот поминал три дена во еден лукзузен хотел каде што за собите за него и неговите пријатели плаќал по 1000 евра од вечер. За целиот свој престој Дињо потрошил 75 000 евра.

Тој на тимот во Миланело му се приклучил во саботата – еден ден пред дербито – и според весникот Дињо имал многу лоши подготовки за дуелот со Интер.

Па затоа на натпреварот со шампионот на Италија, играчот не ги прикажа перформансите од претходните натпревари и дури не успеа да реализира пенал.

На денешната презентација на Амантино Мансини, медиумите го запрашаа потпретседателот Адрино Галиани за натписите на медиумите околу забавата на Роналдињо, но Галиани не сакаше да даде конкретен одговор.

“Односот помеѓу Екипата на Милан и играчот останува помеѓу Милан и играчот.“ – рече Галани.

“Немам што да коментирам: Тоа се интерни односи на Милан”

Powered by: 24 FUDBAL.com.mk