МЕНИ

Фергусон вели дека не му е жал што Дејвид Бекам го напушти Манчестер Јунајтед и ги повикува фудбалерите да се фокусираат на натпреварот и да не обрнуваат внимание на медиумскиот циркус поврзан со враќањето на Англискта Ѕвезда.

Не е тајна дека Алекс Фергусон и Дејвид Бекам имаат нарушени односи, тоа беше и главната причина поради која славниот фудбалер го напушти Манчестер Јунајтед.

Фергусон во 2003 го "избрка" Бекам од Олд Трафорд, и вели дека не жали што тој си заминал.

Менаџерот на Црвените Ѓаволи вели дека тие треба да се концентрираат на натпреварот а не на доаѓањето на Дејвид Бекам.

"Не жалам, ние продолжуваме понатаму" - изјави Фергусон на прашањето дали жали што го продал Дејвид Бекам.

"Единствена разлика со враќањето на Дејвид Бекам на Олд Трафорд споредено со другите фудбалери, е тоа дека ова ќе биде голем медиумски циркус".

"Тој е голема медиумска ѕвезда, не само голем фудбалер, и до сега не сме имале ваков случај, кога некој како Бекам се враќа".

"Нашата работа е да се сконцентираме на фудбалскиот натпревар и да го оставме медиумскиот циркус околу Бекам да си ја врши работата, знаеме дека не можеме да го сопреме тоа".

Фергусон не е изненаден што Дејвид Бекам е веќе на втора позајмица во Милан.

"Минатата година на нашиот натпревар против Интер, кога и последен пат се видов со Бекам му кажав дека тој треба да размисли за враќање во Европа доколку сака да биде дел од Светското првенство".

Powered by: 24 FUDBAL.com.mk