Англија | Тренерот на Манчестер Сити, Мануел Пелегрини смета дека неговите фудбалери заслужуваат повеќе почит од англиските медиуми...



Откако Манчестер Сити ја победи Рома на Олимпико и избори пласман во осминафиналето од Лигата на Шампионите, Пелегрини ги нападна англиските медиуми.
 
„Тешко е да се игра без Компани, Силва, Агуеро и Туре и мислам дека овој тим заслужува малку повеќе почит од медиумите, бидејќи дури и без Серхио овој тим игра добро во Европа и се пласира понатаму" - вели Пелегрини.
 
„Се натпреваруваме во две различни натпреварувања, сега за сега завршивме во Лигата на Шампионите и ќе треба да се фокусираме само на Премиер лигата, на ЛШ повторно ќе размислуваме во февруари".
 
„Во Премиер лигата сме на само три бода зад Челзи и мора да ги одиграме добро идните натпревари".

Извор: 24FUDBAL.com.mk