Германија | Криштоф Крамер вели дека следната сезона ќе го облече дресот на ’Фармацефтите’ со кого е под договор до 2017...



23 годишниот репрезентативец на ’Панцирите’ во моментов е на позајмица во Борусија Менхенгладбах, но неговите добри игри го привлекоа вниманието на неколку топ клубови од Европа.
 
Се шпекулира дека Реал Мадрид пројавува сериозен интерес, а тренерот на ’Кралевите’, Карло Анчелоти оваа недела потврди дека му се допаѓа Криштоф Крамер.
 
Манчестер Јунајтед исто така ги следи игрите на фудбалерот од средниот ред, но се чини дека Германецот ќе остане во Бундеслигата.
 
Во разговор со Sport Bild, Криштоф Крамер открива дека летоска ќе се врати во Баер Леверкузен.
 
„Како што стојат работите во овој момент, ќе играм за Леверкузен следната сезона” – вели Крамер.
 
„Не сум принуден да го облечам дресот на ’Фармацефтите’, едноставно сум убеден од плановите кои ми беа презентирани”.
 
Според Sport Bild, Криштоф Крамер по преселбата на БајАрена ќе стави потпис на нов договор со трајност до 2019 или 2020, и ќе добие годишна плата од 2 милиони евра.

Извор: 24FUDBAL.com.mk