Лига на Шампиони | Фудбалерите на Атлетико Мадрид имале тешко слетување во Торино, откако авионот во еден период исчезнал од радарот на италијанската служба за контрола на летови...



Вистинска драма се случувала во воздухот над Торино во авионот во кој летале фудбалерите на шпанскиот шампион.
 
Авионот слетал еден час подоцна од планираното  откако поради проблеми со радарот, италијанската контрола на летови го изгубила од вид.
 
Пилотот бил информиран дека веќе го нема на радарот и во таков случај не може да слета на аеродромот, авионот бил принуден дополнително да прави кругови над Торино, во меѓувреме проблемот бил надминат и фудбалерите успешно слетале.
 
Фудбалерите и стручниот штаб биле вознемирени од неизвесноста која им се случувала во воздухот, но и покрај се ќе мора да се фокусираат на дуелот со Јувентус на кој им е доволен и минимален пораз за да го сочуваат првото место во групата.

Извор: 24FUDBAL.com.mk