Англија | Челзи убедливо со 3-0 го доби лондонското дерби против Тотенхем, Манчестер Сити со 4-1 славеше на гостувањето кај Сандерленд, Алексис Санчез погоди во самиот финиш за победа на Арсенал над Саутемптон...



По ремито на гостувањето кај Сандерленд, Челзи им се врати победите и тоа на убедлив начин против Тотенхем.
 
Сините поведоа со гол на Азар по двојно проигрување со Дрогба, кој брзо потоа и реализираше за предност од 2-0, конечните 3-0 беа дело на Реми.
 
Во Манчестер Сити царува Агуеро, Аргентинецот постигна два гола, а имаше и асистенција во победата од 4-1 над Сандерленд, преостанатите два погодока беа дело на Јоветиќ и Забалета.
 
Алексис Санчез постигна гол во 89. минута за победа на Арсенал над Саутемптон.
 
Топџиите се мачеа да го скршат отпорот на противникот, тоа им успеа кога Саутемптон остана со фудбалер помалку поради повредата на Алдервирелд, Куман немаше право на замена бидејќи веќе ги имаше направено сите три.
 
Немаше победник на дуелот помеѓу Евертон и Хал, натпреварот заврши 1-1.

Извор: 24FUDBAL.com.mk