Англија | Со триумф над Стоук од 2-1, Манчестер Јунајтед ја забележа четвртата победа во низа во Премиерлигата, Ливерпул славеше на гостувањето кај Лестер со 3-1...
Манчестер Јунајтед влезе во победничка серија, по лошиот старт на сезоната, тимот на Ван Гал и покрај сериозните проблеми со повредени фудбалери, продолжува да ниже бодови.
Овој пат на Олд Трафорд падна Стоук, Манчестер Јунајтед победи со 2-1. Резултатот го отвори Фелаини во 21. минута, пред крајот на првиот дел гостите израмнија преку Нзонзи, по 15 минути игра во вториот дел Мата донесе ново водство за Јунајтед кое значеше и победа.
Ливерпул со пресврт дојде до победа од 3-1 на гостувањето кај Лестер, нови три бода за тимот на Брендан Роџерс.
Несреќниот Мињоле во 22. минута си ја затресе сопствената мрежа откако топката ја погоди прво стативата, па неговиот грб и заврши во голот, но потоа Лалана, Џерард и Хендерсон реализираа за црвените за значаен триумф.
Свонси со 2-0 го победи КПР, Астон Вила со 1-0 го совалда Кристал Палас, гостинска победа забележа и Вест Хем кај ВБА славејќи со 2-1, немаше победник на дуелот помеѓу Варнли и Њукасл, 1-1.
Денес се играат преостанатите четири натпревари, Арсенал - Саутемптон, Челзи - Тотенхем, Евертон - Хал, Сандерленд - Манчестер Сити.
Извор: 24FUDBAL.com.mk
